GUITARRAS PARA O CURSO

O luns 19 de setembro o Colexio Possumus presentou aos alumnos e familias a súa oferta extraescolar de guitarra. Durante a tarde, o mestre Francisco Doce, explicou o seu proxecto didáctico para o curso: aprendizaxe e diversión, guitarra de acompañamento e lúdica, e foi montando cancións pop a petición dos oíntes. Francisco foi ofrecendo o seu saber primeiro por Educación Primaria e logo por Secundaria. Ademais formou grupo con algúns dos seus actuais alumnos e deleitáronnos cun par de cancións que incluían percusión, guitarra e canto.

Esta novidosa actividade arrranca no noso Colexio en outubro e todos aqueles que estean interesados teñen que inscribirse antes de primeiros de mes. Para máis información, podedes acudir á Secretaría do Centro ou ben ao profesor de música de Secundaria.