Somos un colexio laico cun modelo de pedagoxía libre baseado na tolerancia e o respecto a todo tipo de crenzas e opinións, fomentando unha aprendizaxe solidaria e non discriminatoria.

 

O noso Proxecto Educativo está baseado na formación integral dos alumnos, potenciando as capacidades e destrezas propias de cada unha das etapas educativas e atendendo dun xeito especial aos nenos/as que presentan máis dificultades na aprendizaxe e na integración.

 

Durante o transcurso do curso realízanse saídas didáctico-culturais a lugares de interese pedagóxico e celébranse conmemoracións con carácter formativo e festivo.

​

​

O Colexio Possumus inicia a súa andaina educativa con anterioridade a 1970 ao fusionarse tres centros adicados á ensinanza. En 1983 o centro constitúe unha Sociedade Cooperativa de ensino.

 

O centro está integrado dentro das actividades lúdicas e culturais do noso barrio, tendo recoñecido un amplo prestixio que intentamos manter e mellorar co noso labor ao longo dos anos.

​