DÍA INTERNACIONAL DAS RAPAZAS NAS TICS

O próximo xoves día 27 de abril celébrase o “Día Internacional das rapazas nas TIC”. É unha celebración a nivel internacional, orientada a motivar ás novas xeracións de mozas para que consideren o ámbito das TIC para o seu desenvolvemento académico, investigador e profesional.

Por ese motivo, pola mañá, ás 11:00 am participaremos xunto con outros centros de toda Galicia, nun coloquio virtual por multiconferencia con 4 destacadas galegas emprendedoras, investigadoras e tecnólogas no eido das TIC, ás que os nosos alumnos poderán coñecer no seu día a día, preguntar calquera dúbida sobre este ámbito profesional ou as motivacións persoais que as levaron a traballar neste eido.