CHARLAS INFORMATIVAS SOBRE TRASTORNOS ALIMENTICIOS

O Xoves 2 de Xuño, o Colexio Possumus ofreceu unhas charlas dirixidas ao alumnado de sexto curso de Educación Primaria e aos alumnos de Educación Secundaria Obrigatoria para a prevención dos trastornos do comportamento alimenticio. A charla estivo impartida por Marián García Míguez psicóloga da Asociación de Anorexia e Bulimia de Pontevedra (ABAP). Nela remarcouse a importancia de comer en familia, dunha dieta equilibrada, do respecto cara un mesmo e cara os demais, dun autoconcepto real, etc.

De xeito moi visual, a través de fotografías reais e de publicidade de diferentes marcas, trataron de facer entender aos alumnos que esas figuras de xente de éxito que a sociedade parece que está a demandar non son máis que produto do "marketing" e do photoshop, pero non reais!